Nexhipi tek Shkendija e Tetovës
Pasi ditë më parë arritën marrëveshje për bashkëpunim një-vjecar, drejtuesit e Shkëndijës të martën kanë prezantuar përforcimin e tyre të ri Nderim Nexhipin. Në prezantimin zyrtar para mediave, të dyja palët nuk fshehnin kënaqësinë për marrëveshjen e firmosur, duke shpresuar se së bashku do të arrijnë të realizojnë synimet e klubit. Nexhipi vlerëson shumë Shkëndijën dhe tifozët e shumtë të saj ‘Ballistët’, duke shtuar se mezi se pret të paraqitet para tyre, ndërsa nuk dyshon se këtë vit Shkëndija do të kthejë titullin e kampionit në Tetovë, ndërsa do të synojë edhe Kupën e Maqedonisë.
Ndërkohë drejtori ekzekutiv (ish-sekretar) i Shkëndijës, Fikret Shaqiri, duke vlerësuar arritjen e Nexhipit dhe si dhe firmosjen me trajnerin e ri Artim Shaqirin, ka konfirmuar se Shkëndija tani më është shëndruar Shoqatë Aksionare dhe se në të ardhmen nga ky ekip mund të priten vetëm suksese.
Subscribe
If you enjoyed this article, subscribe to receive more just like it.
