Drejtoria e klubit futbollistik Bayern München infomroi në webfaqen e vet se ka ndrëmend të ndërtojë Xhami në stadiumin Allianz Arena. Kjo do të jetë xhamia e parë në të gjitha stadiumet e botës. Kjo iniciativë erdhi si përgjigje propozimit të Frank Riberit, i cili kërkoi një mesxhid, dhomë të vogël, për të falë namazet, ai dhe lojtarët tjerë musliman.

Por, përgjigja e kryesisë së klubit ishte befasuese pasi që ata vendosën që të ndërtojnë një xhami të tërë dhe të jetë në shfrytëzim të lojtarëve dhe tifozëve. Klubi ka marrë përsipër 85% të harxhimeve të ndërtimit të kësaj xhamie, kurse pjesën tjetër ia ka lënë lojtarëve dhe tifozëve. Kjo xhami do të ketë Imamin e vet, bibliotekën dhe mësime fetare.

Kënga e re e Bertan Asllanit, “Damla Damla” është pritur shumë mirë nga publiku jo vetëm shqiptar.

“Damla Damla” që është realizuar edhe me videoklip e sheh këngëtarin në stil të jashtëzakonshëm në një klip bardh e zi.

Mediat turke dhe ato shqiptare kanë raportuar për këngën si një prej projekteve më të mira në karrierën e shqiptarit nga Maqedonia.

Kënga është realizuar në Turqi me tekstshkrues Armet Kurtis dhe me muzikë të Bertan Asllanit e Robert Bilbilov. Videon e ka punuar produksioni BorsExclusive.

http://www.youtube.com/watch?v=CIDr2ij4w_8

Dy të vdekur dhe tetë fëmijë të lënduar rëndë është bilanci i një aksidenti që ka ndodhur mbrëmë në afërsi të qytetit të Koçanit në Maqedoni.

Aksidenti ka ndodhur kur është rrokullisur traktori me të cilin po udhëtonin 16 veta, kryesisht fëmijë.  Në vendngjarje ka ndërruar jetë  shoferi i traktorit, Mile.D, 63 vjeç, dërisa për viktimën e dytë nuk është zbardhur identiteti.

Të gjithë të lënduarit e tjerë janë sjellë në Qendrën Klinike të Shkupit, ndërsa mësohet se tre nga fëmijët janë në gjendje të rëndë shëndetësore. Policia theksoi se në traktor ishin kryesisht fëmijë që po ktheheshin nga një pushim me rastin e festës së majit. Të lënduarit në klinikë janë vizituar mbrëmë nga kryeministri Nikolla Gruevski dhe ministri i shëndetësisë, Nikolla Todorov. (INA)

Eliminimi i turpshëm nga Liga e Kampionëve ka shtyrë forume, media e persona të ndryshëm ta tallin Barcelonën në mënyra të ndryshme. Barcës i është veshur fanella e lëngut të njohur 7UP, pasi pranoj 7 gola.

Dora e Piques nuk ka tashmë 5 gishta ashtu siq e ngriste pas Manitas me Realin, por që tashmë atij i janë shtuar edhe 2 gishta më shumë.

Barcelona e Reali janë bashkuar në një foto montazhë ku shihen duke e shikuar ndeshjen së bashku në një televizor.

Vrasja kishte ndodhur dy vite më parë, pasi që Rrahman.H kishte zbuluar lidhjen e fshehtë të gruas së tij me një turk, që po jetonte në qytetin Sankt Gallen. Rrahman.H nga xhelozia e madhe kishte ndërmarrë aktin e vrasjes së gruas së tij, ashtu që ai një ditë goditi me makinë gruan e tij derisa po shkonte në punë dhe më pas e kishte goditur në kokë me shufër hekuri, informon INA.

Gjykata theksoi se emigranti 44 vjeçar me origjinë nga një fshat i Suharekës me dashje dhe planifikim kishte kryer vrasjen. Por nga ana tjetër, Rrahmani është penduar dhe ka fajësuar bashkëshorten dhe të dashurin e saj.

”Fajet i ka bashkëshortja e ime vetë! Sikur ajo të mos kalonte me turkun, me siguri se ajo sot do ishte në jetë. Ju si Gjykatë duhet të dënoni edhe turkun ngase edhe ai ka fajin, pasi ka fjetur me gruan time që e kisha të kurorëzuar.  Ndoshta jam edhe unë fajtor, por faji im është i vogël, sepse gruaja ime dhe dashnori i saj turk më kanë shkatërruar jetën!” ishin fjalët e emigrantit nga Kosova.

Prokuroria zvicerane gjithashtu ka urdhëruar që Rrahman H. të paguaj shumën prej 70.000 frangave dy fëmijëve të tij  si shenjë dëmshpërblimi ndërsa në anën tjetër ai duhet të paguaj shumën prej 87.000 frangave për shërbimet e Gjykatës dhe policisë për këtë vrasje. (INA)

Barazimi i Shkëndisë së Tetovës me skuadrën e Vardarit e ka siguruar finalen e skuadrës shqiptare ku do të takohet me Tetekstin. Por ishte skuadra shqiptare me lojën e mirë që tregoj, ajo që i përçau maqedonët mes vete.

Tifozët e Vardarit janë përleshur me policinë. Ofendime të shumta janë dëgjuar në stadium për policinë maqedonase.”Shiptarska policia” (polici shqiptare), “Tepate makedonci, a vo Tetovo…” (Po rrihni maqedonas) ishin disa nga thirrjet që tifozët maqedonas i thurnin për policinë e tyre.

Gerard Pique e pranon se Bayern Munichu ishte skuadër më e mirë, në ndeshjen e kthimit gjysmëfinale të Ligës së Kampionëve, të cilën skuadra bavareze e fitoi me rezultat 3:0 mbrëmë në Camp Nou.

Pas humbjes së dyfishtë nga Bayerni, Barcelona u eliminua në gjysmëfinale nga ky kompeticion.
“Kur një skuadër është aq shumë superiore, thjeshtë duhet t’i bësh komplimente dhe t’ia zgjasësh dorën. E vërteta është se në 45 minutat e dyta ishin të fortë. Ne i hymë kësaj loje të limituar, pasi kishim mungesa dhe ishim në disavantazh të madh. Tash duhet të mendojmë ta kryejmë punën në La Liga sa më shpejt të jetë e mundur dhe të marrim vendime për sezonin tjetër”, deklaroi Pique, që e shënoi një autogol mbrëmë.

Ai mendon se mungesa e Lionel Messit në fushë është ndier, por që katalunasit u munduan ta përmbysnin rezultatin edhe pa të. “Kur nuk është Leo, është e qartë se nuk është e njëjta gjë. Mirëpo, ne besuam edhe pa të. Mendoj se luajtëm mirë në pjesën e parë. Fakti që nuk ishte Messi, nuk ka ndikuar në motivin tonë.

Në kuadër të rendit të ditës së seancës së sotshme të Kuvendit të Kosovës -Koha për deklarime jashtë rendit të ditës,dhe Koha për pyetje parlamentare, deputetët kanë shtruar një varg problemesh.

Deputeti i Kuvendit të Kosovës, Bekim Haxhiu, duke diskutuar në kuadër të pikës së rendit të ditës Koha për deklarim jashtë rendit të ditës, kërkoi nga organet e drejtësisë që t’i arrestojnë personat, të cilët nëpërmjet rrjeteve sociale kanë kërcënuar me jetë kryeministrin e Kosovës, Hashim Thaçi. Haxhiu, gjithashtu, ka akuzuar deputetët e lëvizjes Vetëvendosje, të cilët, sipas tij, me në krye liderin e tyre po mundohen të bëjnë Kuvendin e Kosovës sikurse Sheshin “Tahrir” në Egjipt. Sipas Haxhiut, Vetëvendosje, është vetëm një grup i frustruar, i cili në mungesë të përkrahjes së qytetarëve në rrugë, të cilët, sipas tij, mund të mbledhin vetëm dhjetëra qytetarë, po e shfrytëzojnë Kuvendin e Kosovës për të protestuar.

Forma e protestave të ndryshme të Lëvizjes Vetëvendosje në seancat e Kuvendit, ka bërë që deputeti i PDK-së, Bekim Haxhiu ta shpreh para deputetëve, shqetësimin, të cilin sipas tij, e kanë qytetarët nga, siç e quajti Haxhiu, dhunimi që po i bëhet Kuvendit nga deputetët e Lëvizjes Vetëvendosje. Ai akuzoi deputetët e Vetëvendosjes për degradim të Kuvendit, duke i quajtur grup të frustruar që nuk ka mbështetje të qytetarëve. Haxhiu nuk hezitoi të drejtojë gishtin drejt tyre edhe për dy raste konkrete.

Haxhiu ka dënuar edhe sulmin e djeshëm ndaj shtëpisë së kryeredaktorit të televizionit Publik, Mufail Limani, raportoi RTK.

Borussia Dortmundi është finalisti i parë i Ligës së Kampionëve. Milionerët nga Bundesliga kanë arritur të kualifikohen për në finalen e madhe të Wembleyt përkundër humbjes në Berbabeu me rezultat 2-0. Kjo do të jetë finalja e dytë në Ligën e Kampionëve për Borussia Dortmundin në histori të klubit.

Edhe siç pritej ndeshja filloi me një tempo të lartë ,ishte Reali skuadër më kërkuese të cilët që në minuten e 4′ kishin rastin të shënonin por Higuain dështoi përball portjerit.

Reali ka mundur të shënonte edhe në minutat e 12′ dhe 14′ nëpërmjet Ronaldos dhe Ozil po këta të dy të tregoheshin më të vëmendshëm para portjerit Weidenfeller .

Mysafirëve nga Dortmundi i’u desh ta vazhdojnë ndeshjen pa lojtarin kryesor të tyre, Mario Gotzen, i cili u largua në minuten 14′ pas një dëmtimi që pësoi, atë e zëvendësoi Grosskreutz.

Në minutat në vazhdim  dhe deri tek fundi i pjesës së parë nuk kishte asnjë rast konkret dhe skuadrat shkuan në pushim me rezultat të barabartë 0-0.

Me të filluar pjesa e dytë ishin mysafirët që kishin një mundësi të artë përmes sulmuesit Lewandowski i cili lëshoi me një goditje të fuqishme por transversalja la në lojë skuadrën e Real Madridit.

Në minuten e 56′ Mourinho bëri dy zëvendësime të menjëhershme, duke e inkuadruar në lojë brazilianin Kaka’ dhe sulmuesin Benzema, ndërsa nga fusha u larguan Higuain dhe mbrojtësi Coentrao.

Real Madridi kurrsesi nuk arrinte të gjente lojën e saj dhe ishte Diego Lopez që në minuten e 61′  i mbajti në lojë mbretërit kur bëri një shkëputje fantastike dhe ndali një godtije nga afër të Gundogan e cila do përfundonte në rrjetë.

Pas shumë përpjekjeve  më në fund Real Madridi rihapi ndeshjen kur shënoi golin e epërsis me anë të Benzemas pas një asistimi nga Ozil në minuten e 82′.

I gjithë spektakli i kësaj sfide ishte rezervuar për në fund të ndeshjes,  Reali e arriti edhe golin e dytë nëpërmjet Sergio Ramosit në minuten e 88′ dhe ndezi atmosferën në stadiumin Bernabeu të cilët për një çast besuan se mund ta arrinin finalen, por rezultati përfundimtar i ndeshjes ishte 2-0 për Real Madridin e cila duhet të pres akoma për ta arritur finalen e shumë kërkuar.

Kjo është hera e tretë radhazi që në tre vitet e fundit Real Madridi eleminohet në gjysemfinale, ndërsa Borussia e Dortmundit arrin në finale të Ligës së Kampionëve pas 16 vitesh.

Dy të rinj, të moshës 15 vjeç, njëri me përkatësi serbe e tjetri me përkatësi gorane, janë goditur me thikë nga persona të panjohur për organet e rendit, në afërsi të shkollës teknike në veriun e Mitrovicës.Zëdhënësi i Policisë së Kosovës për këtë rajon, Besim Hoti, i ka thënë Radios Evropa e Lirë se viktimat e sulmit u kanë thënë hetuesve policorë se janë sulmuar prapa shpinës nga tre persona të panjohur.

“Policia e ka regjistruar rastin dhe ka iniciuar hetimet, por, tash për tash, kryerësit e këtij sulmi janë të panjohur për ne”, ka thënë Hoti.

Megjithatë, zyrtarët e policisë kanë shprehur dyshimin e tyre për mungesën e dëshmitarëve tjerë, për faktin se në vendin ku ka ndodhur ngjarja, në mesditë, qarkullimi i njerëzve është kryesisht i madh.

Të dy të plagosurit janë shtruar në spitalin e veriut të Mitrovicës dhe janë jashtë rrezikut për jetë.
Ndërkohë, zyra për Kosovën në Qeverinë e Serbisë ka dënuar arrestimin e dy serbëve në Komunën e Gjilanit, të dyshuar për spiunim. Zyra për Kosovën në Beograd i kërkon bashkësisë ndërkombëtare që të lirojë serbët në fjalë, duke thënë se siguria e këtij komuniteti është kërcënuar.

Futbollisti shqiptar, Orhan Ademi do të jetë futbollisti i radhës që do të shijoj kampionatin gjerman, Bundesliga. Futbollisti i ri shqiptar nga Kumanova e Maqedonisë do të jetë në Bundesliga edicionin tjetër me skuadrën e Braunsshweig.

Skuadra jo aq e njoh gjermane ka arritur fitore në udhëtim të Ingolstad duke siguruar futjen në ligën e parë gjermane. 21 vjeçari Ademi ka realizuar 5 gola këtë edicion duke qenë lojtar kyç te skuadra gjermane.

Majlinda Kelmendi zhgënjen sërish. Edhe pse e nisi me medalje aventurën e evropianit që po zhvillohet këto ditë në Budapest të Hungarisë, Kelmendi nuk arriti më shumë se bronzi edhe pse synimi i saj ishte titulli kampion. 22-vjeçarja nga Peja mori pjesë në garimin për disiplinën 52 kg ku u rendit e treta dhe rrëmbeu vetëm medaljen e bronzit.
Edhe pse cilësohej si një nga favoritet e kësaj kategorie, xhudistja kosovare nuk arriti ta priste biletën e finales pasi u dorëzua në sfidën përballë italianes Odette Giuffrida.

Në faqen zyrtare të evropianit, theksohet se ky rezultat është një dështim për kosovaren që kishte pritshmëri të mëdha nga vetja e saj por që gjithsesi duhet të kënaqet me këtë medalje, pasi ashtu si në olimpiadë, ajo u tregua e nxituar duke e pësuar nga gabimet personale.
Kelmendi, u paraqit nën siglën e Federatës Ndërkombëtare të Xhudos, pasi Federata Kosovare e Xhudos nuk njohet ende si anëtare me të drejta të plota në federatën nderkombëtare.Medalja e artë në këtë disiplinë shkoi për xhudisten ruse Natalia Kuzyutina, e cila mposhti në finale rumunen Andreea Chitu./KohaSport/

Një ditë pasi Sekretari amerikan i Mbrojtjes, Chuck Hagel, tha se shërbimi informativ amerikan beson se regjimi i Sirisë përdorë armë kimike, për të njëjtën temë është deklaruar edhe Britania e Madhe. Në YouTube në ndërkohë është shfaqur xhirimi për të cilin thuhet se e kanë bërë mjekët sirianë e në të cilin shihen viktimat e sulmeve me armë kimike.

Ka dëshmi të kufizuara por në rritje se forcat qeveritare siriane përdorin armë kimike, tha sot Kryeministri britanik, David Cameron, duke shprehur pajtim me Shtëpinë e Bardhë se këto informata mund të jenë “pika që do ta derdh gotën” në marrjen e vendimit për intervenim ndërkombëtar.

Hagel, gjatë një vizite në Emiratet e Bashkuara Arabe, tha se dyshohet se kundër kryengritësve sirianë përdoret helmi sarin. Autoritetet amerikane ka kohë që përmendin se përdorimi i këtyre armëve mund të jetë pretekst për intervenim ushtarak perëndimor në Siri.

http://www.youtube.com/watch?v=bf2joEQNgEY

Një ngjarje që ka zanafillën rreth 30 vite më parë, ka rikthyer në skenë mëngjesin e djeshëm vrasjen për Kanun. Nga Tropoja, vend në të cilin kanë jetuar palët, ngjarja është zhvendosur në Torovicë, ku mëngjesin e djeshëm është qëlluar me breshëri kallashnikovi 63 vjeçari Marash Kolndreu. Ai u vra pak metra pasi doli nga banesa, ndërsa një ftesë për kafe, nga një person i panjohur për të, mësohet se e ka nxjerrë burrin nga shtëpia. Rrugës për në qendër të fshatit, ai qëllohet me breshëri dhe humb jetën në vend. Skena e frikshme është parë nga nipi i tij, i cili më kot është munduar të vihet pas autorëve të krimit të rëndë, të cilët mësohet se me automjetin e tyre janë larguar në drejtim të Malit të Jushit. Policia menjëherë ka rindërtuar mekanizmin e krimit, ndërsa janë kryer me dhjetëra shoqërime, ku disa prej tyre, mësohet se janë njerëz të afërm të të dyshuarve. Ata janë banues të Torovicës.

Policia e Lezhës, Shkodrës dhe Kukësit është ngritur në këmbë për të arrestuar autorët, të cilët mësohet se janë dy persona dhe se prej dy ditësh gjendeshin në fshatin e njohur të Lezhës. Pak orë pas krimit janë identifikuar autorët, por deri mbrëmë vonë ata nuk janë vënë në pranga. Historia e vrasjes 30 vite më parë Tek ngjarja e dikurshme që ka sjell vrasjen e djeshme mësohet se policinë e kanë orientuar pikërisht njerëz të afërm të Marash Kolndreut. Sipas të dhënave, xhaxhai i viktimës së djeshme shumë vite më parë kishte vrarë në një zonë të Tropojës një fshatar të tijin. Gjithçka mes palëve kishte nisur, pasi viktima e djeshme ishte rrahur nga viktima e atëhershme.

Fiset Kolndreu dhe D, mësohet se jetonin jo shumë larg nga njëri-tjetri. Për atë zënkë mes nipit dhe bashkëfshatarit, xhaxhai i Marashit, kishte vrarë personin që kishte rrahur nipin. Në tentativat e mëvonshme që palët të binin dakord mes tyre për çështjen e asaj ngjarjeje të rëndë, mësohet se fisi D, nuk ka pranuar ta falë ndonjëherë gjakun e njeriut të tyre. Atëherë mësohet se xhaxhai i Marashit ka pranuar marrjen e gjakut, por me kushtin që mos t’i preket djali, pasi e kishte djalë të vetëm. Ashtu ka ndodhur, pasi sipas të dhënave, djali i autorit të vrasjes në Tropojë ka jetuar i qetë dhe i pakërcënuar asnjëherë. Burimet e policisë së Lezhës tregojnë se ai jeton jashtë vendi bashkë me familjen e tij. Mirëpo saktësohet se edhe xhaxhai i Marash Kolndreut ka ndërruar jetë nga shkaqe natyrale. Kështu, marrje. Referuar burimeve të policisë së Lezhës, dyshohet se autorët janë strehuar në zondyshohet se për faktin se për të birin ishte dhënë besa e mosprekjes, familja D., ka shkuar pikërisht te shkaktari i asaj ngjarjeje të vjetër. Ditën e djeshme është qëlluar mbi Marash Kolndreun duke i marrë edhe jetën me plumbat e një krehëri kallashnikovi.

Hetimet

Vrasësit e Kolndreut dyshohet se janë larguar jashtë vendi Policia e Lezhës pasi ka shkuar në vendin e ngjarjes dhe ka mësuar të vërtetën mbi shkakun e vrasjes së 63 vjeçarit Marash Kolndreu ka përqendruar punën e saj pikërisht mbi kapjen e autorëve dhe identifikimin e tyre. Sipas të dhënave, janë marrë deklarimet e thuajse të gjithë të njohurve të familjes Kolndreu, ndërsa është mësuar se në Torovicë jeton edhe një njeri i afërt i të dyshuarve si autor të vrasjes për gjakën përreth për dy net, ndërsa makina nga e cila kanë dalë plumbat që i kanë marrë jetën 63-vjeçarit është pikasur 3 ditë më parë në zonën e Torovicës. Nipi i viktimës, i cili ka parë automjetin të largohet, është edhe pika më e fortë ku mbështetet policia për identifikimin e tyre. Krehja e zonës, nga u dyshua se kanë lëvizur autorët për të shpëtuar nga ndjekja, ka bërë që policia të dyshojë për largimin e tyre në drejtim të Malit të Zi, si pika më e afërt e kalimit të kufirit./shekulli

Tifozët e Real Madridit mendojnë se futbollistët e këtij klubi do ta shikojnë finalen e Ligës së Kampionëve përmes ekranit.

Mediat spanjolle kanë publikuar rezultatet e bëra me anketa dhe sondazhe me tifozët e Real Madridit për të shikuar optimizmin e tyre për skuadrën e zemrës.
Në rezultatet finale, shumica e tifozëve madrilenë kanë deklaruar se ‘Los Blancos’ nuk do të kenë gjasa për të rikthyer rezultatin. 66% e tyre mendojnë se Reali nuk do të jetë në finale, ndërsa 34% e tyre besojnë në “Remontada”.

Në intervistat e bëra në televizionet spanjolle, tifozët madrilenë kanë shprehur zhgënjimin e tyre dukë thënë se as ëndërr nuk do ta mendonin një ndeshje të tillë, duke qenë të bindur në triumf.

Forumi i të Rinjve Mysliman ka reaguar lidhur me deklarata e kreut të AAK-së, Ramush Hradinaj i cili është prononcuar për ndryshimin e historisë, ku thotë se “Historinë s’mund të na ndryshojë as Zoti”.

“Ne si FRM i bëjmë me dije kryetarit te AAK-se, Ramush Haradinajt, se këto deklarata ne na kujtojnë periudhën e sundimit komunist kur Allahu dhe feja injorohej dhe shahej nga krerët politikë të asaj kohe. Si të tillë kërkojmë nga kryetari i AAK-së që të lexoj historinë e popullit shqiptar me traditat tona dhe jo me recetat e komunistëve të Tiranës apo Beogradit. Historia jonë duhet të rishkruhet e përmisohet nga gabimet e qëllimshme që janë bërë “në emër te kombit, për interesa të shteteve të tjera nga të cilët ne krye janë Serbia, Vatikani, Italia, Austria të cilat u pengon islamizimi i shqiptarëve dhe duan ti armiqësojnë shqiptarët me vëllezërit e tyre turq”, thuhet në një komunikatë për media të FRM-së.

FRM, i kujton Haradinajt se Zoti është Ai që e ka krijuar atë, dhe një ditë Haradinaj do të kthehet te Zoti. “Ramushi duhet të kujtojë mirë që kohë më parë ai ishte në buzë të varrit gjatë luftës me Serbinë e Zoti e shpëtoi. Më pas ishte në buzë të burgut kur ishte në Hagë si i akuzuar për krime lufte, dhe sërish Zoti e shpëtoi. Nëse Ramushi edhe pas kësaj mendon që historinë nuk mund ta ndryshoj Zoti, ne i tërheqim vërejtje që ta ketë frike Zotin, se atë qe ta bën Perëndia nuk ta bën dot njerëzia. Nëse Zoti i ka shpëtuar jetën dhe nga burgu më parë, ai nuk duhet të bëhet arrogant kundër Allahut dhe fesë së Tij, se Zoti vonon por nuk harron!”.

FRM i kujton Haradinajt, që në kohë kur zgjedhjet janë afruar, atij i bën mirë të distancohet nga deklaratat antifetare që bënë ai dhe anëtaret e tjerë të partisë së tij si Donika Kada, Burim Ramadani dhe Ardian Gjini. “Nëse Haradinaj dëshiron që muslimanët e Kosovës ta votojnë, ai duhet ti mbrojë të drejtat e tyre dhe jo t’ua sulmoj identitetin e tyre. Por nëse votat i pret nga serbet dhe katolikët, atëherë le ta shpalli këtë gjë publikisht”, vlerëson FRM.

Sipas këtij forumi qytetet që kontrollohen nga partia e Haradinajt janë qytete ku xhamitë janë përplot me njerëz. Andaj, për këtë arsye FRM nuk heziton ti jepë këshilla Haradinajn që të mbrojë identitetin e qytetarëve që ja dhanë votën e të mos bëhet shkas që edhe ato pak vota të mos jenë më pro partisë së tij.

“Në rast se AAK-së dhe Haradinaj vazhdojnë të bëjnë deklarata kundër Zotit dhe fesë së Tij, ne e sigurojmë që do të bëjmë fushatë kundër partisë së tij duke përfshirë të gjitha mjetet që FRM disponon. Në fund e ftojmë edhe njëherë z. Ramush Haradinaj që të pendohet te Zoti, ti falet Atij sepse i gjithë pushteti i takon Allahut dhe jo njerëzve që janë të dobët dhe vdekatarë”, thuhet tutje në reagimin e FRM-së.

Manchester United është i gatshëm të shpenzojë 95 milion euro për të siguruar shërbimet e sulmuesit të Borusias së Dortmundit, Robert Levandovski.

Sipas “The Sun”, Alex Ferguson ka gati planin; derdhjen e 33 milion eurove në arkën e skuadrës gjermane dhe 238 mijë euro pagën javore për sulmuesin polak për pesë vite.

Por për të siguruar shërbimet e polakut, “Djajtë e Kuq” duhet të mposhtin konkurencën e Bajernit të Mynihut që pretendon se ka arritur një parakontratë me lojtarin për 24 mln euro. Vetë agjenti i Levandovskit deklaroi se ka një marrëveshje me një skuadër dhe se futbollisti ka ndërmend të lëvizë në merkaton e kësaj vere.

Por Dortmundi kunërshton duke deklaruar se nuk do të shesë sulmuesin e tij, sidomos tek Bajerni pasi këta të fundit morën Mario Goetze këtë javë për 37 milion euro. Kjo dhe një ofertë më e majme nga ana e Manchester United, sipas “The Sun”, mund të bindë lojtarin dhe skuadrën e tij për të pranuar “Djajtë”.

Emri i sulmuesit Levandovski është bërë më i lakuari së fundmi në merkaton futbollistike dhe për këtë ndikuan edhe katër golat e tij në mesjavë kundër Realit të Madridit që çuan verdhezinjtë gjermanë me një këmbë në finale.

Jose Mourinho i ka thënë trajnerit të Borussia Dortmund, Jurgen Klopp, se sezonin e ardhshëm do të drejtojë sërish Chelsea-n. Sipas gazetës gjermane ‘Bild’, portugezi i ka thënë kolegut të tij “do iki tek Chelsea” në bashkëbisedimin që patën para ndeshjes gjysmëfinale të Ligës së Kampioneve, Borussia-Real.

Kjo gazetë ka publikuar që të mërkurën lajmin se Mourinho do të jetë trajneri i ri i londinezëve dhe bashkë me të do të transferohet tek Blutë edhe Radamel Falcao, sulmuesi i Atletico Madrid.

Ndërsa sipas të përditshmes spanjolle ‘AS’, trajneri portugez ka kontaktuar agjentin e Robert Lewandowski me një pyetje të thjeshtë: “Sa kushton lojtari?”.

Mourinho ka siguruar agjentin e futbollistit se do të ishte i gatshëm ta blinte në çdo rast, pavarësisht nëse do të vazhdojë të drejtojë Real Madridin apo do të kalojë tek Chelsea apo Paris SG.

Në orët e hershme të mëngjesit në qytetin e Kumanovës ka ndodhur një vjedhje e rëndë që përngjan me filmat aksion.

Një grup i armatosur dhe me maska ka grabitur një pompë të benzinës në dalje të Kumanovës. Përveç dëmit matrial që i është shkaktuar minimarketit dhe pompës së benzinës nga grupi janë tronditur edhe të punësuarit të cilët shumica kanë qenë femra.

Për ti gjetur autorët e kësaj vepre policia ka bllokuar të gjitha daljet nga Kumanova dhe është duke i kontrolluar detalisht të gjitha veturat dhe personat e dyshuar që e lëshojnë Kumanovën./Albtime.com

Agjërimi i Davudit nënkupton agjërimin e çdo të dytës ditë, gjatë tërë vitit. Kjo te Beshlaga filloi rastësisht në vitin 1989, siç tregon ai

85 vjeçari Beshlaga Bajrektareviç nga fshati Shpionica e Ulët, në Bosnje e Hercegovinë, që nga viti 1989 ka praktikuar agjërimin e Davudit a.s., një lloj i veçantë i adhurimit që kërkon sakrificë dhe këmbëngulje të madhe.

Agjërimi i Davudit nënkupton agjërimin e çdo të dytës ditë, gjatë tërë vitit. Kjo te Beshlaga filloi rastësisht në vitin 1989, siç tregon ai.

“Në një emision televiziv në vitin 1989, unë pashë një çift bashkëshortor i cili me vite kishte praktikuar këtë lloj agjërimi. Më pas edhe unë vendosa të praktioj këtë adhurim, agjërimin e Davidit a.s. Në fillim ishte shumë vështirë që të heq dorë nga ushqimi dhe pija, por këmbëngulja ime dhe besimi në Zotin më ndihmuan që të kapërcej çdo pengesë, dhe shumë shpejt jamë mësuar, kështu që sot nuk ka çmim për të cilin do të hiqja dorë nga ky agjërim”, thotë Beshlaga, i cili shtoi se vendimi i tij ndikohet edhe nga fakti se ai, në në një libër ka lexuar se Allahu i do ata që praktikojnë agjërimin e Davidit a.s.

“Shumë pakë besimtarë dinë për këtë lloj agjërimi, i cili praktikohet që nga fillimi i besimit islam”, thotë Beshlaga.

“Kam lexuar diku se një prej shokëve të Muhamedit s.a.v.s., u ankua se nuk i mjafton vetëm agjërimi i muajit të Ramazanit, dhe se ai mundet edhe më tepër. Pejgamberi s.a.v.s., i tha të agjërojë të ashtuquajtura ditët e bardha, ditën e 13, 14, dhe 15 të çdo muaji. Ai prap u ankua se edhe ato nuk janë të mjaftueshme, atëherë Pejgamberi s.a.v.s., e sugjeroi të agjëroj çdo të dytën ditë të vitit, por ky ashab i tha se mundet edhe më shumë se kaq, por Pejgamberi s.a.v.s., i tha se nuk ka më shumë se kaq, dhe ky është agjërimi vullnetarë që mbeti në traditë të pasuesve të Islamit deri në ditët e sotit. Prandaj unë do të vazhdojë të agjëroj këtë agjërim derisa të kem shëndet”, tha Beshlaga

Për shëndetin e tij të mirë Beshlaga dëshmon me shkuarjen e tij në xhami pesë herë në ditë, dhe duke qeshur thotë se gjatë faljes së namazit ulet dhe ngrihet sikur një i ri.

Njeriu i cili agjëron më shumë se shtatë dekada sheh ndryshim të madh mes Ramazanit të atëhershëm dhe të sotit.

“Më parë nuk kishe mundësi të shohësh dikë duke mos agjëruar, edhe në qoftë se nuk ka agjëruar, ai është fshehur, nuk e ka shfaqur publikisht ashtu siç ndodh sot”, thotë ai, duke shtuar.

“Më parë njerëzit ishin më të mirë, besimtarë të mirë i respektonin të vjetrit, e sot kjo është shumë e rrallë.”

Dëshira e tij jetësore ishte që të përfundoj medresenë dhe të bëhet imam, por për disa arsye kjo dëshirë i është mohuar. Dy klasë të medresesë arriti t’i përfundojë në Gradaçac, por pasi autoritetet shtetëtore në vitin 1948 e kishin mbyllur medresenë ai vjen në vendlidjen e tij, në Shpionicë.

Detyrën e muezinit në xhematin shpionica filloi ta kryej në një nga xhamitë më të vjetra në verilindje të Bosnjës, në xhaminë e vjetër të Shpionicës, menjëherë pas kthimit nga medreseja në vitin 1948. Edhe pëkundër moshës së shtyre Beshlaga ende kryen detyrën e myezinit rregullisht, në të gjitha kohët, në xhaminë e re në Shpionicë.

Beshlaga tërë jetën e tij e kaloi në bujqësi duke i kryer punët më të vështira. Por, edhe obligimet e shumta dhe punët e rënda, në ditët e nxehta, të cilat kanë arritur edhe mbi 40 gradë celcius, nuk kanë ndikuar që ai të ndërpresë agjërimin.

Do të kushtonte 10 miliardë $ të financohej super heroi “Njeriu i Hekurt” me gjithë teknologjinë e tij të lartë.

Tony Stark është shefi ekzekutiv i kompanisë Stark Enterprises, por përveç kësaj ai është edhe kimist, krijues, inxhinier dhe patjetër sipërmarrës.

Gjithashtu është edhe shpenzues parash në raste inovative. Në korrik MoneySupermarket nxori një infografik se sa do të kushtonte ndërtimi i “Njeriut të Hekurt”. Por ndërkohë që tek filmi “Njeriu i Hekurt 3″ teknologjia e përdorur rritet, rriten edhe shpenzimet për ndërtimin e tij të cilat janë: nga 1.6 miliardë $ deri në 10 miliardë $.

Vetëm veshja i kushton 7 miliardë $, përveç të cilës duhet edhe arma, rripi apo pajisje të tjera.

Disa teknologji ekzistuese mund të kombinohen si pjesë të tyre, por gjithashtu duhet edhe vila të shtohet në shpenzime që e gjitha mund të kushtojë 25 milionë $. (PCWorld Albanian)

Të paktën 38 persona kanë vdekur në një spital psikiatrik në periferi të Moskës, pas një zjarri që shpërtheu të premten në mëngjes.
Zyrtarë rus thonë se dy prej viktimave ishin punonjës shëndetësor të spitalit në qytezën Ramenye, i cili u shkrumbua nga flakët.

Ministria njoftoi se medikamentet që kanë marr pacientët e spitalit para gjumit ndikon që pacientët të flenë në gjumë, prandaj kaq shumë vetë kanë humbur jetën, në pamundësi për të ikur.

Mediat raportojnë se vetëm një motër medicinale e dy pacientë shpëtuan.

Policia dyshon se ndonjë problem elektrik mund ketë shkaktuar zjarrin.

Chelsea ka arritur fitore në sekondat e fundit kundër Baselit në udhëtim me rezultat 2:1 në ndeshjen e parë gjysmëfinale të Ligës së Evropës.

Ishte David Luiz që në minutën e tretë shtesë te takimit nga gjuajtja e lirë realizoi për 2:1, pasi që paraprakisht në minutën e 87-të Baseli kishte barazuar nga penalltia me Scharin.

Në pjesën e parë (min 12), Victor Moses i dha epërsinë Chelseat pas harkimit te Frank Lampardit nga këndi.

Në ndeshjen tjetër gjysmëfinale të zhvilluar në Stamboll, Fenerbahçe ka arritur fitore kundër Benficas 1:0. Të vetmin gol e shënoi Kokmaz në minutën e 72-të.

Ndeshjet e kthimit të gjysmëfinales, zhvillohen pas një jave.

Lideri i partisë më të madhe opozitare në Maqedoni, Branko Cërvenkovski përpara Këshillit Qendror të partisë ka depozituar dorëheqje të parevokueshme duke paralajmëruar në këtë mënyrë moskandidimin e tij për një mandate të ri në Kongresin e partisë.

Cërvenkovski në mbledhjen e këshillit qendror pas një fjalimi rreth gjysmë orësh i ka njoftuar anëtarët e LSDM-së se nuk do ta udhëheqë partinë në mandatin e ardhshëm dhe ka kërkuar që mos të kandidohet nga degët komunale. Edhe pse kjo ende nuk është konfirmuar zyrtarisht as nga Cërvenkovski as nga LSDM-ja, burime të kësaj partie kanë theksuar se jot ë gjithë anëtarët janë pajtuar me vendimin e liderit opozitar për moskandidim në Kongresit e partisë që do të mbahet në 2 qershor. Ky vendim i lideri të LSDM-së Branko Cërvenkovski vjen pas rezultateve të dobëta që shënoi partia e tij në zgjedhjet e fundit vendore. Edhe pse ende nuk është bërë e ditur zyrtarisht se kush mund ta zëvendësojë Cërvenkovskin në krye të partisë më të madhe opozitare, ai ka paralajmëruar se nuk do të mbështesë asnjërin prej kandidatëve.

Deri më si tani kandidatë të mundshëm për të zëvendësuar Cërvenkovskin janë përmendur kryetari i Strumicës Zoran Zaev dhe ish zv/kryeministrja Radmilla Shekerinska. Më 2 qershor është planifikuar që të mbahet Kongresi i radhës i LSDM-së. Deri atëherë pritet të ndodhë një garë e brendshme për kreun e partisë më të madhe opozitare maqedonase.

Hetuesit e EULEX-it kanë ngritur akuza kundër 17 serbëve të Gjakovës për përfshirje të dyshuar të tyre në krime kundër luftës ndaj shqiptarëve në fshatin Mejë dhe rrethinë

Gjokica Stanojeviq, që është bashkërendues i Komunës së Gjakovës në Serbi, ka thënë për agjencinë serbe të lajmeve, Beta, se këto akuza kanë për qëllim frikësimin e serbëve dhe kthimin e tyre në Gjakovë,shkruan koha.

Dy ditë më parë, misioni evropian njoftoi publikisht se ka nisur hetimet zyrtare për krimet e luftës të kryera në komunën e Gjakovës, dhe se prokurorët e vet po hetojnë krimet e kryera më 27 dhe 28 prill të vitit 1999, në fshatrat Mejë, Orizë, dhe fshatrat tjera të Luginës së Rekës së Keqe.

Siç njoftoi EULEX-i deri më tani, hetuesit kanë identifikuar përafërsisht 20 të pandehur, të cilët mund të jenë subjekt i akuzave për Krime të Luftës kundër popullatës civile.

Mirëpo sipas Stanojeviqit, akuzat po ngritën në kohën kur çështja e të shpërngulurve pritet të ngritet në dialogun teknik në Bruksel.

Në këto akuza përfshihet edhe vrasja e 372 viktimave gjatë një sulmi të kryer kundër popullatës civile shqiptare, e cila i qe nënshtruar torturës, trajtimit çnjerëzor, vuajtjes së madhe, largimit dhe zhvendosjes, konfiskimit të pasurisë dhe plaçkitjes, veprime këto jo të arsyetuara me nevojat ushtarake.

Shumica e viktimave ishin zhvarrosur nga varreza masive në Batajnicë, Serbi. Masakra e Mejës dhe e rrethinës besohet të jetë vrasja më e madhe masive që ndodhi gjatë luftës së vitit 1999 në Kosovë.

Gjatë orëve të mbrëmjes së të enjtes, është regjistruar një vrasje me armë zjarri në zonën e Unazës së Re, në Tiranë.

Viktima është identifikuar si Adrian Levanti, një ish-boksier, i cili është qëlluar pranë banesës së tij.

Ende nuk dihet autori apo motivet e ngjarjes, teksa policia ka nisur hetimet për këtë ngjarje.

Raportimet e para flasin se viktima ka pasur precedentë të mëparshëm penalë, ndërkohë që burime të pakonfirmuara thonë se dyshohet për një hakmarrje, pasi vëllai i viktimës ka patur një konflikt përpara disa ditësh.

Ligjvënësit e Serbisë sot debatojnë raportin e Qeverisë së vendit të vet mbi rrjedhat e procesit të negociatave midis Beogradit e Prishtinës, përfshirë edhe marrëveshjen e arritur më 19 prill.

Qeveria më 22 prill miratoi raportin dhe përmbajtjen e Marrëveshjes 15 pikëshe me Kosovën, të parafuar në Bruksel nga kryeministrat e të dy vendeve – Hashim Thaçit të Kosovës, dhe Ivica Daçiqit të Serbisë.

Mbledhja e parlamentit pritet të zgjasë gjatë tërë ditës. Kryeparlamentari serb, Nebojsha Stefanoviq ka shfaqur bindjen se raporti dhe Marrëveshja do të marrin shumicën e votave, “meqë kjo është gjë e mirë për Serbinë dhe që i garanton ardhmëri”, siç e citojnë mediet e Beogradit të ketë thënë ai. (INA)

Një autobus me udhëtarë nga Maqedonia mbrëmë është aksidentuar në Hungari, rreth 50 kilometra nga Budapesti.

Fatkeqësia e komunikacionit është konfirmuar edhe nga Ministria e Punëve të Brendshme, e cila informoi sot se ngjarja tragjike ka ndodhur në afërsi të qytetit hungarez Gor.

Siç mësohet, 28 udhëtarë janë lënduar, tetë prej të cilëve janë të lënduar më rëndë, ndërsa njëri në gjendje kritike. Autobusi ishte i linjës Shkup – Pragë. Nga burimet e para të autoriteteve hungareze theksohet se autobusi ka humbur dhe rrëshqitur duke rënë në humnerë.

Brazili ka barazuar 2:2 në miqësoren me Kilin, që u zhvillua sonte. Përfaqësuesja e udhëhequr nga Luis Felipe Scolari u paraqit në këtë ndeshje me lojtarët që luajnë vetëm në kampionatin brazilian. Neymar shënoi një nga dy golat e Brazilit. Goli i tij erdhi pas disa pasimeve të bukura mes Ronaldinhos, Paulinhos, Patos, ndërsa Neymar ishte golashënuesi.

http://www.youtube.com/watch?v=5O2MbpaOQto

Pasoja e klamidias së pashëruar mund të jetë steriliteti? Klamidia është sëmundje seksuale, e cila nëse nuk shërohet, mund të dëmtojë organet gjenitale dhe të shpie gjer tek steriliteti tek femrat, poashtu edhe tek meshkujt. Shkaktarë i klamidias është bakteria e quajtur Chlamydia trachomatis, ndërsa mund të infektohet secili person që është seksualisht aktivë.

Si bartet klamidia?

Klamidia bartet me anë të marrëdhënjeve seksuale, ndërsa bartës potencial janë që të dy gjinitë. Sa më i madh numri i partnerëve seksualë, aq më i madh është rreziku nga infeksioni. Për këtë, mashkujt dhe femrat kohë pas kohe duhet të testohen për këtë sëmundje.

Cilat janë simptomet e klamidias?

Simptomet e klamidias mund të jenë aq të lehta, sa të mos i dalloni fare. Studimet kanë treguar që në 70-80 % të rasteve, të infektuarit nuk ndjejnë kurfarë ndryshimesh në organizëm. Megjithatë, simptomet e para do të duhej të shfaqeshin pas një-tre javësh pas seksit me personin e infektuar, ndërsa ato janë:

• Djegësira gjatë urinimit

• Sekret i shtuar vaginal

• Dhembje në pjesën e poshtme të shpinës

• Dhembje e pazakontë gjatë seksit

• Gjakrrjedhje vaginale gjatë ciklit

Si shërohet klamidia?

Nëse bakteria e cila shkakton klamidian vazhdon të zhvillohet në organizmin tuaj pa u hetuar, pasoja mund të jetë steriliteti. Për këtë është e domosdoshme që një herë në vit të testoheni për klamidia.

Nëse testi rezulton që jeni infektuar me këtë sëmundje, mjeku me siguri që do të ju përshkruajë një nga antibiotikët e përshtatshëm. Edhe pse klamidia relativisht shërohet lehtë, ju mund ta merrni përsëri, nëse partneri juaj nuk është shëruar poashtu. Për këtë është e nevojshme që të dy të testoheni dhe të shëroheni.

Çfarë pasojash mund të lë klamidia në shtatzëni?

Infektimi me klamidia paraqet rrezik potencial për nënën dhe për frytin sepse mund të shkaktojë shtatzëninë jashtë mitrës, abortin spontan por edhe lindjen e parakohshme apo infektimin e placentës.

Poashtu, shkaku i klamidias, foshnja mund të ketë peshë të vogël në lindje por edhe mund të infektohet gjatë kalimit nga kanali i lindjes. Për këtë është e domosdoshme që para konceptimit të testoheni për këtë sëmundje, dhe nëse jeni të infektuar, të shëroheni në kohë.

A mund të bartet klamidia në foshnje?

Rreth 50 % e foshnjave të cilat vijnë në këtë botë me anë të lindjes vaginale, do të infektoheshin me klamidia nga nëna. Përveç kësaj, në gjashtë muajt e parë nga lindja, 50 gjer në 70 % të fëmijëve të infektuar, vuajnë nga pezmatimi i mushkërive apo konjuktivi.

Megjithatë, përdorimi i antibiotikëve gjatë shtatzënisë mund të parandalojë në mënyrë efikase infeksionin e fëmijës. Edhe pse këto infeksione mund të jenë shumë serioze, foshnja e cila gjatë kohës shërohet me antibiotikë, zakonisht kalon mirë.

Një studim i realizuar nga banka Merrill Lynch propozon tërheqjen e banknotave prej 500 eurosh, si një nga masat kundër fshehjes së tatimit, të cilat akoma nuk janë miratuar zyrtarisht. Sipas studimit, banknotat prej 500 eurosh paraqesin një të tretën e banknotave që janë në qarkullim, gjegjësisht rreth 300 miliardë euro. Por shumë pak prej tyre përdoren realisht, e bile dy të tretat janë të deponuara në sefe.

“Edhe përkundër asaj Banka Qendrore Evropiane nuk parasheh heqjen e banknotave prej 500 eurosh, mendojmë se kjo duhet bërë”, propozojnë ekspertët e bankës që e kanë realizuar studimin.

Si arsye kryesore për këtë propozim, ato e theksojnë rënine e vazhdueshme të përdorimit të kësaj banknote, që do të thotë se ata që duan ta fshehin tatimin, të ardhurat më shpesh i ruajnë në banknota prej 500 eruosh në sefe të ndryshme. Banknotat me vlerë të madhe i përdorin edhe kriminelët për shkak se mund të ruajnë sasi të madhe parash në hapësirë të vogël.

Banknota prej 500 eurosh është njëra nga banknotat e fundit me vlerë të lartë që është në qarkullim në botë. SHBA-të e hoqën nga përdorimi banknotën prej 500 dollarëve gjatë kohës sa ishte kryetar Richard Nixon-i, ndërsa banknota kanadeze prej 1.000 dollarësh është hequr nga përdorimi në vitin 2000./Portalb

Ndërmarrja për mirëmbajtjen e rrugëve, “Makedonija pat”, ka njoftuar se nga orët e pasdites së sotme do të ndalohet për qarkullim të automjeteve me peshë mbi 7.5 tonë, në rrugën që lidh Strazhën me Gostivarin. Vendimi  për ndalim të qarkullimit ka ardhur pas dëmtimit që ka pësuar ura në afërsi të fshatit Cerovë, dëmtim ky që ka ndodhur para disa ditësh dhe që paraqiste rrezik për sigurinë në komunikacion.

Përgjegjësit e “Makedonia pat”, kanë informuar se dëmtimi i urës pritet tël sanohet sonte dhe nesër, ndaj asnjë automjet që kalon peshën prej 7.5 tonësh, nuk do të lejohet të qarkullojë, mbi urë.

Një tetovar ka mashtruar viktima naive në Facebook, të cilëve u ka premtuar se për një shumë të caktuar parash do t’u gjejë punë jashtë vendit. SPB-ja e Tetovës do ta ndjekë penalisht për mashtrim tridhjetë e nëntë vjeçarin Xh. Z., i cili sipas policisë në janar të këtij viti dy banorëve nga fshatrat Studeniçan dhe Zhelinë, të cilët i ka njoftuar në Facebook, u ka marrë nga 300 euro, duke i mashtruar se do t’u gjejë punë në Gjermani.

Sipas policisë, ai, nga njëri ka kërkuar 120 euro, ndërsa nga tjetri 180 euro, me pretendimin se paratë do t’ia japë një të punësuari në Ambasadën e Republikës së Gjermanisë në Shkup, me qëllim që t’u sigurojë viza pune. Pasi ia kanë dhënë paratë mashtruesit, ata nuk kanë mundur më të kontakojnë me të, prandaj rastin e kanë paraqitur në polici. /Portalb

Harbour Island, një pjesë e vogël e Bahameve, një nga plazhet më të bukura të Karaibeve. Karakteristika e veçantë e këtij plazhi është ngjyra rozë e rërës. Rëra e merr ngjyrën e bukur roze kur organizmat njëqelizore  përzihen me rërën natyrale të bardhë të ishullit,thekson “LajmeOnline”. Ndiqni pamjet.

http://www.youtube.com/watch?v=70wYdZ01UDk

Paqe absolute, bukuri e paimagjinueshme, origjinalitet, gjithçka mund ta keni në një udhëtim në Kaledonian e Re. Ajo ndodhet midis Australisë dhe ishujve Fixhi. Një nga ishujt e saj është në formë zemre. Kjo është diçka unike dhe pamja fantastike janë disa gjëra që vetëm natyra mund t’i dhurojë,thekson”77 news”.

http://www.youtube.com/watch?v=5mTXNetIEhI

Ekspedita e skuadrës së Real Madridit është pritur me dhunë në Spanjë. Me të arritur në Madrid, tifoz të kësaj skuadre i kanë fyer dhe sulmuar autbousin ku ndodheshin ata.

Me thirrjet “Jashtë-Jashtë”, “Nuk i meritoni milionat”, “Na turpëruat” , tifozët madrilen ti afroheshin autobusit ku ndodheshin lojtarët. Policia spanjolle kishte reaguar me kohë për të evituar incidentet e mundshme ndërsa autobusi thuhet të jetë gjuajtur me gurë. /Indeksonline/

Ka asistuar në humbjen e rëndë 4-1 nga pankina, por pa asnjë dyshim ka vuajtur ashtu si të gjithë shokët e tij të skuadrës.Është një Iker Casillas krejtësisht i zhgënjyer, ditën pas humbjes së Real Madridit në fushën e Borusia Dortmundit.

“I kërkoj ndihmë publikut, të martën do të jetë ndeshja më e rëndësishme e sezonit- nënvizon portieri madrilen duke folur për mediat spanjolle- Të mundesh 4-1 në një gjysëm finale Champions League është gjithmonë shumë e dhimbshme, por skuadra ka filluar të mendojë menjëherë që ka edhe një ndeshje kthimi për të luajtur”.

Finalja dhe mundësia për të fituar Championsin numër 10 merengues kalon nga një përmbysje e madhe: “Duhet të kuptojmë situatën, ashtu si të gjithë fansat tonë. Duhet të kuptojnë sesa shumë e rëndësishme është kjo ndeshje dhe të ndihen. Edhe më shumë se derbi i javës së ardhshme në kampionat. Ne duhet të vdesim në fushën e lojës, sepse në lojës është finalja në Uembli”.

Siç është shprehur edhe vetë Casillas, të shtunën është derbi Madridit: Atletiko i vendit të tretë pret Realin e vendit të dytë. Derbi është snobuar menjëherë, më mirë të mendohet për skuadrën e Klopp. “Sigurisht derbi është i rëndësishëm, ata nuk fitojnë prej katërmbëdhjetë vitesh, por kundër Dortmundit, e përsëris, është sfida më e rëndësishme e sezonit”.

Në lidhje me situatën e tij, duke parë se qëndrron në pankinë, portieri kampion bote tregohet i qetë dhe se luan një lojë të ashpër. “Unë vazhdoj të ndihmoj skuadrën, nga dhomat e zhveshjes. Ndihmoj në mënyrë të ndryshme, por jam këtu dhe stërvitem si gjithmonë. Nga pikëpamja profesionale, me Murinjon ka shumë respekt. Dhe sic ka thënë dhe Xabi Alonso, e para është skuadra”.

Nuk do të ketë më veshje të lirë të bikinive në plazhet e Dubait dhe Emirateve të Bashkuara Arabe. Në këto plazhe publike tashmë janë vendosur tabela në të cilat paralajmërohet se nëse gratë veshin bikini ndërsa meshkujt të brendshme të shkurtra do të duhet të paguajnë gjobë.

Edhe pse turistët dëshirojnë që të shijojnë diellin në mënyrën më të mirë të mundshme në plazhet e bukura, megjithatë popullata që është shumë fetare ka reaguar duke deklaruar se nuk duan të ndajnë jetën e tyre private me njerëz të tillë.Për këtë arsye është paraparë edhe një dënime me para.

Kështu edhe në Dubai që është destinacion botëror, kërkohet një veshje e përshtatshme. Deri më tani nuk është dënuar askush por një gjë e tillë është megjithatë e mundshme të ndodhë. Emiratet e Bashkuara Arabe pranojnë gjithçka përveç lirisë së plotë në veshje.

Diarbakir – Drejtuesi me i larte ushtarak i Partise Popullore te Kurdeve, nje levizje paraushtarake separatiste qe kerkon shkeputjen nga Turqia te disa territoreve lindore te banuara me shumice kurde, lajmeroi per terheqjen e te gjithe luftetareve te PKK-se nga vendi duke nisur nga muaji maj.Terheqja do te nise zyrtarisht ne daten 5 maj, pasi nje armepushim ishte kerkuar me pare nga lideri i burgosur historik i kurdeve, Abdullah Ocalan.

”Terheqja nga Turqia do te ndodhe ne disa faza dhe do te permbushet sa me shpejt qe te jete e mundur”, deklaroi Murat Karayilan, ne nje konference per shtyp te mbajtur ne malet Kandil, ne Irakun verior.

Me 30 vjet luftime me shtetin turk, ne perpjekje per te krijuar nje shtet te pavarur per te gjithe kurdet, mbi 40 mije luftetare, ushtare turq dhe civile kane humbur jeten, raporton Kohanet. Konferenca per shtyp e Karayilan u realizua pasi nje grup prej 50 gazetaresh u shoqeruan nga kurdet nga nje qytet kufitar turk, ne destinacionin brenda kufirit irakian, pasi kamerat dhe celularet e tyre u konfiskuan.

Ne pergjigje ndaj ofertes se Ocalan per armepushim, Kryeministri i Turqise, Recep Tayyip Erdogan shprehu mbeshtetjen e Ankarase zyrtare per vendosjen e paqes, por kerkoi prova konkrete per vullnetin e levizjes separatiste kurde.

Berisha kërkon komision hetimor, PS e konsideron sajesë banale. Kryeministri shqiptar Sali Berisha ka kërkuar ngritjen e një komisioni hetimor për të zbardhur sipas tij aktin e dhunës së kreut të opozitës Edi Rama ndaj diplomatit Egin Ceka gjatë një takimi në Vjenë ditën e mërkurë. Në seancën parlamentare të së enjtes kryeministri ka reaguar ashpër.

“Akti më i  rëndë, ndofta në të tërë historinë diplomatike dhe politike të takimeve dhe konferencave. Ky akt qëndron në agresionin e rëndë të turpshëm, brutal shtazor që kryetari i partisë socialiste dhe kryetari i koalicionit të pazarit dhe ngjalave i ka bërë njërit prej diplomatëve të ri më të përgjegjshëm dhe të përgatitur të këtij vendi\” tha ai.

Zotëri Berisha kërkoi ngritjen urgjente të Komisionit Hetimor Parlamentar ditën e hënë duke paralajmëruar se mazhoranca ka gati 30 dëshmitarë.
Kryetari i grupit parlamentar socialist, Gramoz Ruci reagoi ndaj fjalës së kryeministrit Berisha duke i bërë thirrje që të shkarkojë diplomatin Egin Ceka. Ruci më pas zbardhi ngjarjes që sipas tij ndodhi në Vjenë. \”… Edi Rama dënoi, në përgjigje, nepotizmin dhe mungesën e profesionalizmit në trupin diplomatik shqiptar…\” tha ndër të tjera zotëri Ruci.
Lidhur me ngjarjen Ministria e jashtme shqiptare ka reaguar me një deklaratë duke e cilësuar si akt të rëndë dhe të paprecedentë, por nga ana e saj selia e PS e cilësoi deklaratën si sajesë banale.

Pasi arriti të marrë në afatin kalimtar të janarit dy yje të futbollit botëror: Didier Drogba dhe Wesley Sneijder dhe pasi arriti në çerekfinalet e Champions League, Galatasaray nuk e ka ndërmend të ndalet. Presidenti i klubit kampion në Turqi, Unal Aysal po planifikon goditje të tjera të mëdha në afatin e verës.

Sipas asaj që shkruan sot portali sportiv turk “Fotomaç”, verdh e kuqtë e Stambollit kanë hedhur sytë mbi dy yje të futbollit evropian: Arjen Robben dhe Zlatan Ibrahimoviç. Sipas të njëjtit burim, njëri prej tyre sezonin tjetër do të jetë futbollist i Galatasaray. Por, një ëndërr e vjetër e Aysal mbetet edhe braziliani i Real Madridit, Ricardo Kaka. Së bashku me homologun e tij Florentino Perez, numri një i Galatasarayt ka folur edhe për transferimin e ish Topit të Artë në kampionatin turk. /Fish Media/

Ziadin Sela edhe zyrtarisht sot mori postin e kryetarit të Komunës së Strugës. Në prani të qindra qytetarëve, Sela mori certifikatën nga Komisioni Komunal Zgjedhor në Strugë për të drejtuar këtë komunë në katër vitet e ardhshme. Kryetari i Strugës Ziadin Sela edhe një herë akuzoi institucionet shtetërore se kanë kërcënuar dhe shantazhuar qytetarët e Strugës, ndërsa përgëzoi Komisionin Komunal zgjedhor në këtë qytet për punën e bërë.

‘Shfrytëzoj rastin të përgëzoj Komisionin Komunal dhe kryetarin e këtij komisioni Xhingis Hani për punën e bërë,ishte ai nga ato pak institucione të shtetit të cilët u munduan me mish e me shpirt,që zgjedhjet të jen të qeta dhe demokratike. Po e përsëris dhe dua ta harrojmë sot,dhe shpresojmë që në të ardhmen mos na ndodhin gjëra të tilla,institucionet fatkeqësisht nuk ishin në nivelin e duhur dhe nuk ishin në anën e qytetarëve,shpresoj që këto të jen zgjedhjet e fundit ku qytetarët kërcënohen dhe shantazhohen, në vend që të festojnë dhe të jetë atmosferë festive. Na priftë e mbara,unë sot jam kryetar i gjithë qytetarëve të Strugës dhe do të shfrytëzoj këtë mandat katër vjeçar, pavarësisht bindjeve politike,fetare etnike”, deklaroi Ziadin Sela, kryetar i Komunës së Strugës.

Në pranim dorëzimin e detyrës mori pjesë edhe ish kryetari i Strugës Ramiz Merko i cili kërkoi nga Sela që besimin e marrë nga populli të shfrytëzojë për të mirën e banorëve të Strugës. Kryetari i ri i Komunës së Strugës Sela nga ana tjetër tha se me kënaqësi ka pranuar këtë sfidë, që qyteti i Strugës të shndërrohet në perlë e turizmit në Ballkan.

“Urime kryetar i komunës së Strugës z. Ziadin Sela,do të kisha dëshiruar që të keni suksese dhe shëndet,sigurisht,besoj që dhe unë,por dhe ju,që të punojmë në interes të qytetarëve të Strugës,besoj që besimin e marrë do të jepni në interes të qytetarëve të Strugës. Urime dhe e gëzofshi mandatin”, tha Ramiz Merko, ish kryetar i Strugës.

“Natyrisht që kjo është një sfidë të cilën unë me kënaqësi e pranova prej kur u kandidova për kryetar të Strugës,sepse Struga vërtet meriton të jetë perlë e turizmit në Ballkan. Në asnjë moment nuk do rresht që të punoj në drejtim të zhvillimit turizmit dhe thithjeve
të investimeve”, u shpreh Ziadin Sela, kryetar i Komunës së Strugës.

Ziadin Sela në krye të Komunës së Strugës, vjen pas plotë tre raunde zgjedhjesh. Edhe pse ai në raundin e dytë fitoi kundër-kandidatin nga radhët e VMRO DPMNE-së, Gjykata Administrative kishte vendosur që në Strugë të votohej përsëri në nëntë vendvotime. Edhe në raundin e tretë Sela fitoi bindshëm me 6 mijë vota epërsi kundër-kandidatin e tij.

Interi mendon për sezonin e ri dhe përforcimet e merkatos së verës. Drejtuesi i lartë zikaltër, Marco Fasone zbulon se shoqëria zikaltër i ka kryer 5 goditet e para që sipas tij janë; Laxalt, Campagnaro, Andreolli, Botta dhe Icardi.

Në vijim të intervistës, Fasone nuk zbulon asgjë rreth të ardhmes së portierit Handanoviç, i cili po ndiqet nga Barcelona, duke theksuar se një vendim përfundimtar në lidhje me këtë çështje do ta marrë presidenti Massimo Moratti. Në fund, drejtori i përgjithshëm zbuloi edhe objektivin e radhës në merkato, duke pohuar se Interi po kërkon një mesfushor të ri me karakteristikat e kroatit Kovaçic.

Jose Mourinho do te trajnoje Chelsean sezonin e ardhshem, dhe ky eshte lajmerimi i dyte per kete ngjarje, kesaj rradhe nga gazeta gjermane ‘Bild’. E perditshmja gjermane ka shkruar se trajneri portugez do te lere Real Madrid ne qershor per te marre drejtimin e Chelsea-s ne Premier League.

Sipas raportimeve te fundit Roman Abramovich, pronari rus i Bluve, do te kntratoje edhe Radamel Falcao-n, si nje dhurate mireseardhjeje per ‘Trajnerin Special’. Eshte e rendesishme te permendim se kolumbiani kushton 60 milione euro sipas klauzoles se parashikuar ne kontraten e tij per lirimin nga Atletico Madrid.

Klubi i madh francez, PSG duket se ka arritur marrëveshje me yllin e Napolit, Edinson Cavanin, transmeton “RMC”. Drejtori Sportiv i PSG-së, braziliani Leonardo ka arritur marrëveshje me përfaqësuesit e lojtarit. Thuhet se ylli i napolitanëve gjatë kësaj verë do të transferohet në Paris për shifrën 8.5 milionë euro në sezon, ndërsa kontrata e tij do të jetë katërvjeçare.

Por, PSG për ta realizuar transferimin e reprezentuesit të Urugait mbetet që të arrijë marrëveshjen edhe me klubin italian, Napolin, të cilët kërkojnë 63 milionë euro, aq sa është klauzola e lojtarit. Cavani përveç PSG-së kërkohet edhe nga gjiganti spanjoll, Real Madrid.

Njeriu më i moshuar në Arabinë Saudite, sheiku Awad bin Abdul Aziz bin Saifi Al Qarni, ndërroi jetë në moshën 120 vjeçare duke lënë pas vetes 447 pasardhës, mes tyre djalin 98-vjeçar, 23 fëmijë të tjerë dhe qindra nipër, mbesa, stërnipër e stërmbesa.

Ai nuk ka pasur probleme shëndetësore, ndërsa ka vdekur në shtëpinë e tij në fshatin Al Baddad. Ai ka qenë udhëheqës i fisit thuajse gjatë gjithë jetës. Pas vetes ka lënë 24 djem dhe vajza që i ka pasur me gra të ndryshme. Djalin më të moshuar e ka 98 vjeç, ndërsa më të riun 22 vjeç. Nipi më i moshuar i tij është 65 vjeç. Ai lindi në vitin 1893 dhe ka jetuar në tre shekuj të ndryshëm.

Sulmuesit të Liverpulit, Luis Suarez, i ka kushtuar shtrenjtë ai kafshim që i bëri mbrojtësit të Çelsit, Ivanoviç. Federata Angleze e Futbollit ka vendosur ta skualifikojë për 10 ndeshje talentin uruguaian. Pra, me pak fjalë, ky sezon ka marrë fund këtu për Luis Suarezin, i cili do t’i shohë katër ndeshjet e fundit të kampionatit nga tribuna, por mbi të gjitha nuk do mund të luajë gjashtë ndeshjet e para të sezonit të ri 2013-2014.

Tani drejtuesit e Liverpulit kanë kohë deri më datë 26 prill për të paraqitur rekursin e tyre ndaj këtij vendimi. Si klubi edhe lojtari janë shprehur të zhgënjyer e të tronditur nga kjo masë ndëshkuese. Ndërkohë, federata angleze ka nënvizuar se episodi, të cilin arbitri nuk e ka parë, ishte shumë i rëndë për t’u ndëshkuar vetëm me tri ndeshje. Aq më tepër që Suarez nuk është një lojtar që e ka bërë për herë të parë këtë gjest.

Mirëpo, në mbështetje të futbollistit ka dalë drejtori sportiv i Liverpulit, Jan Ajër, i cili për mediat angleze është shprehur i skandalizuar nga ky vendim i federatës: “Të gjithë lojtarët e Liverpulit dhe drejtuesit e klubit janë shokuar nga ky vendim. Mendoj se federata e ka ekzagjeruar në marrjen e kësaj mase. Ne do e apelojmë skualifikimin dhe kemi besim të plotë se gjykata do ta ulë dënimin e Suarezit nga dhjetë ndeshje në tri”.

Në fakt, vetë Suarez e ka pranuar se ka probleme në kontrollimin e zemërimit. Për një gjë të tillë ai ka folur edhe me presidentin e Federatës Uruguaiane të Futbollit, të cilit i ka komunikuar se është i gatshëm të ndihmohet nga një psikolog në mënyrë që ta kontrollojë më mirë zemërimin e tij në fushë.

Niveli i papunësisë në Spanjë ka arritur rekord të ri në çerekun e parë të vitit 2013, duke u ngritur për të parë herë në mbi 6 milionë njerëz. Instituti i Statistikave Kombëtare në Madrid ka thënë të enjten se papunësia në tre muajt e parë të vitit arriti në 27.16% krahasuar me 26% sa ishte vitin në të njëjtën periudhë vitin e kaluar.

Spanja si ekonomia e katërt më e madhe në eurozonë, po bënë ballafaqohet me një recesion të thellë që u shkaktua nga kolapsi i vitit 2008 të tregut të patundshmërive. Në pikun e ngritjes ekonomike të Spanjës në vitin 2007, shkalla e papunësisë ishte nën 8 për qind.

Qeveria konservatore e kryeministrit Mariano Rajoy, që erdhi në pushtet në dhjetor të vitit 2011 me premtimin për më shumë vende pune, do të paraqes një pako të re të reformave të premten që synojnë të ringjallin ekonominë spanjolle./REL/

Një grup protestuesish të përkatësisë maqedonase sot u mblodhën përpara Komunës së Kërçovës shkaku i largimit nga puna të disa punëtorëve, gjatë javës së kaluar, nga ana e kryetarit të kësaj komune.

“Ndërmarrja e zjarrfikësve ka nevojë për kuadro dhe të punësuar andaj vlerësoj që ky gjest, largimi nga puna, nuk ishte i drejtë. Njësia e zjarrfikësve ka përgjegjësi përpara të gjithë qytetarëve pa dallim etnik. Në fillim ishim të pranuar pesë veta nga të cilët vetëm katër maqedonasit u larguan nga puna. Kur kërkuam përgjigje prej kryetarit, morëm përgjigje që komuna nuk ka mjete të mjaftueshme financiare që sipas nesh nuk është e vërtetë sepse ne fituam vendet e kolegëve të cilët kishin dalë në pension” – tha Toni Spirovski, njëri prej të larguarve nga njësia e zjarrfikësve.

“Jemi në një gjendje të rëndë ekonomike dhe tani nuk dimë as vetë se çfarë do të bëhet me ne. Të gjithë jemi të martuar dhe me fëmijë dhe të katërt ne zjarrfikësit mbetëm në rrugë. Të ardhura të tjera nuk kemi” tha Dejan Dimitriovski, një tjetër zjarrfikës që ju dha vendim për largim nga puna.

Gjatë javës së kaluar kryetari i Komunës, Fatmir Dehari, pohoi që ka firmosur lëshimin nga puna të disa të punësuarve, që sipas tij, kanë qenë të manipuluar politikisht.

“Fatkeqsisht shpreh keqardhje për presionin e vazhdueshëm që ushtrojnë mediat maqedonase për Komunën e Kërçovës. Ato duhet ta kërkojnë problemin diku tjetër. Komuna e Kërçovës është në gjendje të rëndë financiare, me borxhe të mëdha të cilat unë do t’i bëj publike për opinionin ditët në vazhdim dhe kemi një numër të stërngarkuar të të punësuarve të cilët vijnë nga komunat tjera. Nuk kemi të bëjmë me largim të punëtorëve me marrëdhënie të rregullt pune por bëhet fjalë për 10-15 të punësuar, të manipuluar për arsye politike dhe do të shohim me kujdes kontratat e tyre mos kemi të bëjmë me keqpërdorim të detyrës nga ish kryetari i cili në periudhën parazgjedhore ka lidhur kontrata pune me afat të caktuar kohor. Pra bëhet fjalë për kontrata të lidhura në muajt janar-shkurt dhe për punëtorë të manipuluar politik” – deklaroi Dehari asokohe. Dalja në protestë ishte me një numër modest protestuesish dhe zgjati rreth gjysmë ore. /Portalb

Presidenti i Serbisë, Tomisllav Nikoliç, ka thënë se “i vjen keq për të gjitha krimet e kryera ndaj boshnjakëve”.

“Gjunjëzohem dhe kërkoj falje në emër të Serbisë për krimin që është kryer në Srebrenicë. Kërkoj falje për krimet, të cilat në emër të shtetit tonë dhe popullit tonë, i ka kryer cilido individ”,- ka thënë Nikoliç.

Ai i ka bërë këto komente në një intervistë për Televizionin shtetëror në Bosnjë, e cila do të transmetohet më 7 maj. Nikoliç, po ashtu, ka thënë se për të, serbët në Republika Sërpska janë boshnjakë, “edhe pse disa prej tyre nuk duan që të quhen ashtu”. Presidenti serb, në fillim të mandatit të tij ka thënë se në Srebrenicë nuk ka ndodhur gjenocid, por krim i rëndë lufte.